Guagliune ‘e miez ‘a via.

Pe miez ‘a via sient’ ‘e voci de ‘e guagliune

sacche vacante e stommache diune.

Vanno fujenno comme na saetta

e per chi e vò fermà nun teneno rispetto.

Ma tutto ‘o male ca teneno ‘ncuorpo

e  chi s’ avota e spalle e guarda e se ne fotte.

Ma quann ‘o sole scarfa sta città

pure lu core scuro sadda ‘nnammurà.

A sti guagliune nun ‘e vo nisciune

perciò arapimm’ e vasci e damml furtuna.

Figli da ‘a malaciorte e vire sulo e notte

Fujeno comme ‘o viento sfidano la morte.

Saglieno scennono s’ arrangiano e se vennono

Sta vita va  nun a può fermà

Astregne e dienti  tutto po’ cagnà.

Mo io nun  crer a nisciuno                 ca ‘a vita è scritta areto a nu muro,

mo nun pensà curr e va,             chi t ‘a leva e chi t ‘a da       “na vita nova”.

E’ nato sulo e sulo c’à restato

A colpa nun’è a soia si sta sempre arraggiato.

Criature senza suonno sarrà omm senza scuorno

fuie accussì ca o munno se lluvaie a tuorno.

Ma na carezza nun ce costa niente

Arape ‘o core do ‘o chiù delinquente,

e poì verimm buone, so’ sempe guagliune

col proprio carico di odio e di sfurtuna.

Chi vo’ cagnà nun ce fa paura

S’ aggrappa a libertà e nun se sente sulo,

Guagliun’ e miez a via da o’ vommero a scampia,

so proprio lloro e figli ca stregne mpiett  Dio.

Saglieno scennono s’ arrangiano e se vennono

Sta vita va  nun a  può fermà

Astrigne e dienti  tutto po’ cagnà.

Mo io nun  crer a nisciuno                 ca ‘a vita è scritta areto a nu muro,

mo nun pensà curr e va,             chi t ‘a leva e chi t ‘a da       “na vita nova”.

Autore Luciano Restucci                        Ottobre 2012